Музыка фестивалĕ иртнĕ

Шупашкарта классика музыкин «Кантата. Россия» фестивалĕ иртнĕ.
Мероприяти пирĕн çĕршыври 15 региона пĕрлештернĕ – ăна Калининградран пуçласа Хабаровск таран йĕркеленĕ.
Фестивальте паллă вырăс композиторĕсен хайлавĕсене итлесе киленме май пулнă. Шупашкарта вĕсене Чăваш патшалăх академи симфони капелли шăрантарнă.
«Çавнашкал проектсем çынсене пĕрлештереççĕ, çĕршывпа тата унăн еткерлĕхĕпе мăнаçланма хистеççĕ», – палăртнă Чăваш Ен Пуçлăхĕ Олег Николаев.