Фестиваль иртӗ

Чӑваш Ен «Раҫҫейӗн симӗс ылтӑнӗ – 2026» фестивале йыхравлать.
Вӑл утӑ уйӑхӗн 25-мӗшӗнчен пуҫласа ҫурла уйӑхӗн 1-мӗшӗччен пырӗ. Фестивале сӑра вӗретекен 25 завод, пыл сӑри туса кӑларакан 2 организаци тата сидр кӑларакан 1 предприяти хутшӑнӗ.
Ҫӗршывӑн тӗрлӗ кӗтесӗнчи общество апатланӑвӗн 35 заведенийӗ гастрономи енчен тӗлӗнтерӗ.
Шупашкара вӗсем Мускавран, Питӗртен, Хусантан, Самарӑран, Ульяновскран, Пензӑран, Ярославльтен, Чулхуларан, Барнаултан, Йошкар-Оларан тата Беларуҫ Республикинчен килсе ҫитӗҫ.