Награда парса чысланӑ

Республика кунӗ умӗн Чӑваш Ен Пуҫлӑхӗ Олег Николаев регионӑн премьер-министрне Сергей Артамонова «Тӑван ҫӗршыв умӗнчи тава тивӗҫлӗ ӗҫсемшӗн» II степенлӗ орден медалӗпе чысланӑ. Ку хушӑва Раҫҫей Президенчӗ Владимир Путин ҫу уйӑхӗн 4-мӗшӗнче алӑ пуснӑ пулнӑ.
Аса илтеретпӗр, Сергей Артамонов 2015 ҫулхи юпа уйӑхӗнчен ял хуҫалӑх министрӗ пулнӑ, 2017 ҫулхи кӑрлачӑн уйӑхӗнченпе – премьер-министр. 2025 ҫулхи нарӑсӑн 28-мӗшӗнченпе вӑл Чӑваш Ен правительствине вӑхӑтлӑх ертсе пыма тытӑннӑ. Икӗ уйӑхран ӑна ку должноҫре ҫирӗплетнӗ. Кӑҫал пуш уйӑхӗн 31-мӗшӗнчен Сергей Геннадьевич «Пӗрлӗхлӗ Раҫҫей» партин регионти уйрӑмӗн секретарӗн пуканне йышӑннӑ. Унӑн кандидатурине Дмитрий Медведев ырланӑ.
Сергей Артамонов 1977 ҫулта Патӑрьел районӗнчи Пӑлапуҫ Нурӑс ялӗнче ҫуралнӑ. Чӑваш патшалӑх ял хуҫалӑх академийӗнчен тата Раҫҫей коопераци университетӗнчен вӗренсе тухнӑ, 1998 ҫулта ӗҫ карьерине агрономран пуҫӑннӑ.