Индустри паркӗ тума палӑртнӑ

Куславкка округӗнче М-7 «Волга» ҫул ҫинче индустри паркӗ тума палӑртнӑ. Кун валли инвестор 255 миллион тенкӗ уйӑрма хатӗр.
Инвестор «М-7 Козловский» тулли мар яваплӑ общество ертӳҫи пулӗ. Килӗшӗве Шупашкарти экономика форумӗнче алӑ пуснӑ.
Индустри паркӗ М-7 ҫул хӗрринче вырнаҫӗ. Резидентсем валли производство цехӗсемсӗр пуҫне ҫул хӗрринче ҫынсене пулӑшу паракан сервис та пулӗ.