Маршрутка водителӗ ҫӗнтернӗ

«Автоледи» республика конкурсӗнче маршрутка водителӗнче ӗҫлекен Надежда Тихонова ҫӗнтернӗ.
Ку конкурс Республика кунӗнче Шупашкар хулинче иртнӗ. Жюри хӗрсемпе хӗрарӑмсем машинӑпа мӗнле ҫӳренине, ҫул-йӗр правилисене мӗнле пӑхӑннине хакланӑ.
Пӗрремӗш вырӑна Надежда Тихонова тухнӑ. Вӑл икӗ ача амӑшӗ, пултарулӑх енчен те маттур: гитара калать, сӑвӑсем ҫырать. Вӗсене маршрутка салонне те ҫыпӑҫтарать. Пассажирсем киленсе вулаҫҫӗ. Сӑмах май, Надежда Тихонова ҫак конкурса иккӗмӗш хут хутшӑннӑ. 2023 ҫулта вӑл 2-мӗш вырӑна тухма пултарнӑ. Кӑҫал вара ҫӗнтерӳҫӗ пулса тӑнӑ.