Пирӗн ҫӗршывра йывӑҫшӑн сасӑлав пырать. Унта Чӑваш Енри йывӑс та хутшӑнать. Хальхинче – Шупашкар районӗнчи Кӑшавӑшри киремет йывӑҫҫи, юман.
Ҫак йывӑҫ 300 ҫулта. Вӑл иккӗмӗш Кӗтерне патша саманине астӑвать, ун чухне чӑвашсем мӗнле пурӑннине те курнӑ, туйнӑ. Сасӑлас тесен https://rosdrevo.ru/ сайта кӗмелле. Чӑваш Енри ватӑ юмана, киремет йывӑҫҫине, 73-мӗш номерпе шыраса тупма ҫӑмӑлрах.
Сасӑлама вӑхӑт нумай иртмест: электрон адрес кӑтартмалла та ун ҫине килнӗ кода ҫырмалла. Чӑваш Енри юманшӑн ҫурла уйӑхӗн 1-мӗшӗччен сасӑлама май пур.
