Шупашкарта пурăнакан 39 çулти хĕрарăм интернет урлă «онлайн-пульт» уçласа 65 пин тенкĕсĕр юлнă.
Хĕрарăм хăйĕн телефонĕ çине техникăн ĕçне смартфон урлă йĕркелесе пыма май паракан программа вырнаçтарасшăн пулнă. Анчах та ăна телефон çине лартсанах унăн банк картти çинчен 65 пин тенкĕ çухалнă, программа сиенлĕ пулни палăрнă. Çакăн тĕлĕшпе уголовлă ĕç пуçарнă.
Шалти ĕçсен пайĕнче тăрăшакансем асăрхаттараççĕ: тĕрлĕ хушăмсене официаллă магазинсем урлă çеç туянмалла, вăл е ку программăна телефон çине вырнаçтарнă чухне унăн условийĕсене тĕплĕн тишкермелле.
