Июнĕн 5-10-мĕшĕсенче республикăра «МолГород-2018» регион аталанăвĕн форумĕ иртет. Пирĕн районтан унта Канашри педагогика колледжĕнче вĕренекен Ăвăспÿрт Кипеч, Асхва, Атнаш, Вăрăмпуç ялĕсен çамрăкĕсем, çавăн пекех Чакаç вăтам шкулĕн волонтерĕсем хутшăнаççĕ.
Форумра çамрăксем «çавра сĕтелсене», ăмăртусемпе конкурссене, ытти нумай мероприятие хутшăнаççĕ. Паллă çынсемпе тĕл пулаççĕ, çамрăксен программисемпе проекчĕсен презентацийĕсем иртеççĕ.
Волонтерсем форумри мастер-классенче сăн ÿкерттермелли ăсталăха алла илме, ташлама, бизнес йĕркелеме, тутлă десерт хатĕрлеме вĕренме, йогăпа туслашма пултараççĕ.
Пирĕн район çамрăкĕсем форума хутшăнаççĕ
