Республикăри Халăх пултарулăх çуртĕнче «2019 çулхи чи лайăх çамрăк культура ĕçченĕ» республика конкурсĕн финалĕ иртнĕ.
Унта Канаш енрен районти Культура çурчĕн куçса çÿрекен клуб учрежденийĕн хореографĕ Ольга Аристархова хутшăннă, пĕрремĕш вырăн çĕнсе илнĕ.
Сăмах май, Оля ташăпа мĕн пĕчĕкрен туслă. Шăхасан вăтам шкулĕнче вĕреннĕ чухнех вăл Канаша ташлама вĕренме çÿренĕ. Каярах хăй те çак шкулти хĕрачасем валли ташă кружокĕ йĕркеленĕ. Ун патĕнче нумай-нумай ача ташă ăсталăхне алла илме пултарнă. Оля тем тĕрлĕ ташă та лартать, районти уявсене ташласа илемлетет.
Маттур пикене пысăк çитĕнÿпе саламлатпăр!
Финалта çĕнтернĕ
