Чăваш Ен хамăр çĕршывра ял хуçалăх проекчĕсене аталантаракан чи лайăх территорисенчен пĕри шутланать.
Республикăри аграрисем йăлана кĕнĕ пĕтĕм Раççейри «Ылтăн кĕркунне — 2022» агропромышленность куравĕнчен ял пурнăçне ăнăçлă лайăхлатса пынăшăн медальсемпе тата тав çырăвĕсемпе таврăннă. Ентешсем Мускавра иртнĕ куравра 50 медаль çĕнсе илнĕ.
Фермер хуçалăхĕсем, ял хуçалăх кооперативĕсем, аш-какай комбиначĕсем тата çăкăр пĕçерекен заводсем, районсен администрацийĕсем сумлă наградăсене тивĕçнĕ.
50 медальтен 41-шĕ ылтăн наградăсем пулни пушшех те мăнаçлантарать. Куравра Ухман ял тăрăхĕ «Ял территорийĕсене комплекслă аталантарса пырас ĕçре пысăк çитĕнÿсем тунăшăн» конкурсра «бронза» медале тивĕç пулнă.
