Янкăлч шкулĕн шырав отрячĕ черетлĕ экспедицие кайма хатĕрленет. Шкул ачисем çулсеренех Калуга облаçĕнчи «Зайцев тăвĕ» çинче пулаççĕ.
Чăваш Енри ытти шырав отрячĕсен хастарĕсемпе пĕрле вăрçă хирĕнче ĕмĕрлĕ- хех выртса юлнă паттăрсене çĕклеççĕ, салтаксен харпăр япалисене тупаççĕ. Вăрçăран киле таврăнайман салтаксен ят-хушаматне палăртма май килсен вĕсен тăванĕсемпе çыхăнаççĕ.
Аса илтеретпĕр, Тăван çĕршывăн Аслă вăрçи вăхăтĕнче «Зайцев тăвĕ» çывăхĕнче хаяр çапăçусем пынă. Çулталăк ытла вăрçă вут-çулăмĕ тăкăннă вырăнта 100 пин ытла совет салтакĕсемпе офицерĕсем паттăрла пуçĕсене хунă.
Шырав отрячĕ — яланах шыравра
