Чăваш Республикин патшалăх истори архивĕнче çĕнĕ кĕнеке презентациленĕ.
Издани архив докуменчĕсен пуххинчен тăрать. Унти материалсем Матьшÿ ялĕн историне туллин уçăмлатаççĕ. Ăна асăннă ялта çуралса ÿснĕ Инесса Алексеева пухса хатĕрленĕ. Вăл меценат, общество ĕçĕн хастарĕ тата усламçă.
Кĕнекере Матьшÿ ялĕн хастарĕсем çинчен вуласа пĕлме пулать. Унăн страницисене мĕн авалтан пуçласа паянхи кунччен тунă сăн ÿкерчĕксем илем кÿреççĕ. Вырăна сăнарлакан карттăсем пуянлатаççĕ. Кĕнекене хаклама пуçтарăннисем çак издани вырăнта пурăнакансемшĕн кăна мар, округпа республикăшăн та пĕлтерĕшлĕ пулнине палăртса хăварнă.
