Астăвăм стени уçнă

Халăх пĕрлĕхĕн кунĕнче Сиккасси салинче Астăвăм стени уçнă. Ăна вырăнта пурăнакансем ятарлă çар операцийĕнче çĕршыв интересĕсене хÿтĕленĕ чухне паттăрла пуçĕ- сене хунă ентешсене халалланă.
Астăвăм стенине хăпартмашкăн салари культура çурчĕнче тăрăшакан Вячеслав Шпаков пуçарупа тухнă. Проектне те хăех туса хатĕрленĕ. Мĕн пур ĕçе халăх пуçтарса панă укçа-тенкĕпе туса ирттернĕ.
Астăвăм стенине уçма округ пуçлăхĕн çумĕ Татьяна Владимирова хутшăннă. Çак пĕлте- рĕшлĕ тата пархатарлă ĕçе пурнăçа кĕртес тĕлĕшпе пысăк тÿпе хывнă хастарсене округ администрацийĕн Тав çырăвĕ- сене парса чысланă.
Астăвăм вырăнне Сиккасси чиркĕвĕн настоятелĕ Александр протоиерей сăвапланă. Астăвăм стени умне чечек карçинккине чи малтан Сиккасси шкулĕнче вĕренекен кадетсем пырса хунă. Митингра культура ĕçченĕсем патриотла юрăсем шăрантарнă.