Чылай профессие çынсем çемйипех парăнаççĕ.
Юратнă мăшăрпа пĕрле пĕр структурăра мĕн тивĕçлĕ канăва тухичченех тимлеççĕ, хăйсен паха ĕç опытне ачисене вĕрентсе хăвараççĕ. Çакнашкал туслă çемьесем Канаш округĕн тĕп больницинче те сахал мар.
Юратупа çемье тата шанчăклăх кунĕ тĕлне шур халатлă мăшăрсене Канаш тăрăхĕн тĕп библиотекине пуçтарнă. Чыслав церемонине медицинăра вăй хуракан вунă çемье хутшăннă. Вĕсене тĕп больницăн тĕп тухтăрĕ Сергей Шерне салалмланă, асăнмалăх парне тата чĕрĕ чечек çыххисем парнеленĕ.
