Юмансар ялĕнче пурăнакансем пур ĕçе те туслă йышпа хутшăнаççĕ.
Хальхинче те çаплах пулнă. Вĕсем ял старости Владимир Грачев ертсе пынипе вырăнти Карсак çырмине йĕркене кĕртнĕ. Арçынсем бензопăчкăпа хăрăк йывăçсене касса тÿнтернĕ, усăнса тăракан лапсăркка туратсене иртнĕ. Хĕрарăмсем вакланă йывăç сыпписене пĕр вырăна купаласа пуçтарнă. Туслă йыш палăртнă ĕçе пысăк хавхаланупа пурнăçланă.
