Ăшăтса пыракан çурхи çанталăк ака ĕçĕсене кунран-кун çывхартать. Хире тухиччен ял хуçалăх предприятийĕсемпе хресчен-фермер хуçалăхĕсен вăрлăха кондицие лартса çитермелле, удобренипе çунтармалли-сĕрмелли хатĕрсем туянмалла, техникăна техтĕрĕслев кăлармалла тата ытти те.
Çурхи ĕçсене «Пионер» агрофирмăра та хĕрсе хатĕрленеççĕ. Графикпа техникăна унта ака уйăхĕн 18-мĕшĕнче техтĕрĕслев кăлармалла. Механизаторсем çак яваплă тапхăр тĕлне хăйсен çумне çирĕплетнĕ тракторсемпе хушма агрегатсене тепĕр хутчен тĕрĕслеççĕ.
Кăçал çур акине «Хорш-НТ-10» ПРОНТО» ятарлă комплекс пуçласа хутшăнĕ. Ăна «Кировец К-744Р-2» трактор ĕçлеттерĕ. Агрофирмăра çурхи культурăсене 655 гектар çинче акма палăртаççĕ, вĕсенчен 250 гектарĕ пĕрчĕллĕ, ытти техника тата çу культурисем пулĕç.
Антонина ТЯМИНА
сăн ÿкерчĕкĕ авторăн
