Раштав уйăхĕн 3-мĕшĕнчен пуçласа 13-мĕшĕччен çĕршывра çулсерен инвалидсен декади иртет. Унпа килĕшÿллĕн нумаях пулмасть Пĕтĕм халăхсем хушшинчи инвалидсен кунне халалласа районти культура çуртĕнче тĕлпулу йĕркеленĕ.
Унăн ĕçне республикăра тухса тăракан «Феникс Чувашии» хаçатăн тĕп редакторĕ Валерий Железников, республикăри инвалидсен обществин председателĕ Маргарита Кузьминых, «доступная среда» эксперчĕ Владимир Николаев, районти инвалидсен обществин председателĕ Анатолий Семенов хутшăннă. «Çавра сĕтел» хушшинче вĕсем сусăрсемпе çыхăннă кăткăс ыйтусене сÿтсе явнă.
