Çулсерен, культура сферинче тăрăшакансен çулталăк çаврăмĕнчи çитĕнĕвне пĕтĕмлетес тĕлĕшпе, республикăра пысăк фестиваль ирттереççĕ. Кăçал ăна Вăрнар тăрăхĕнче йĕркеленĕ. Канашри централизациленĕ клуб системи кÿршĕ округран çĕнтерÿпĕ таврăннă.
Аса илтеретпĕр, çак фестиваль Чăваш Енре 2018 çултанпа иртет. Ăна старт панă çул та канашсем «Гран-При» дипломне çĕнсе илнĕ. Юлашки ултă çул хушшинче вара призерсен йышĕнчен пĕрре те тухман (2019 çулта — 1-мĕш вырăн, 2020 çулта — 3-мĕш вырăн, 2021 çулта — 2-мĕш вырăн, 2022 çулта — 3-мĕш вырăн). Кăçал вара – каллех «Гран-При».
