Ҫырла фестивалӗ иртӗ

Чӑваш Енре ӑна кӑҫал виҫҫӗмӗш хут йӗркелӗҫ. Унта республикӑри пахчаҫӑсем, фермерсем, ҫырла ҫитӗнтерекенсем пухӑнӗҫ.
Фестивальте тӗрлӗ продукци, хуҫалӑхра кирлӗ хатӗрсем те туянма май пулӗ. Ҫавӑн пекех спикерсем лекцисем вулӗҫ. Унсӑр пуҫне фестиваль хӑнисемпе ӑсталӑх класӗсем ирттерӗҫ. Уявра концертпа киленме тата лотерейӑна хутшӑнса парнесем выляса илме те май пулӗ.
Фестиваль Шупашкарта ҫак адреспа иртӗ: Машиностроительсен проспекчӗ, 1-мӗш ҫурт, 16-мӗш строени. Унта тӳлевсӗрех кӗртеҫҫӗ.