Волонтерсен ĕçне çăмăллатнă

Валерий Филиппов маскировка тетелĕ çыхма пулăшакан станок шухăшласа кăларнă.
Вăрнар тăрăхĕнчи Рункă ялĕнче пурăнакан арçын çапла майпа «Ырă чĕресем» волонтер ушкăнĕн ĕçне çăмăллатас тенĕ. Спандбонда алăпа касас пулсан вăхăт нумай иртет. Ку станок вара кĕске вăхăтрах 4 рулон материал касаять. Эппин, ятарлă çар операцине хутшăнакан ентешсем патне маскировка тетелĕсем ытларах çитме пултарĕç.