Акци иртӗ

Чӳк уйӑхӗн 30-мӗшӗнче «Географи диктанчӗ» акци иртӗ. Ӑна тӗрлӗ майпа ҫырма май пулӗ.
Онлайн-версие геодиктант сайтӗнче ҫырма пулать. Вӑл чӳкӗн 30-мӗшӗнчен пуҫласа раштавӑн 14-мӗшӗччен ӗҫлӗ. Диктанта ҫырсанах сертификат тата кӑтартусене пӑхмалли код параҫҫӗ.
Экстра-вариант та пур – кӑтартусене тӳрех пӗлме пулать. Ӑна чӳкӗн 30-мӗшӗнче 12:00 сехетрен пуҫласа раштавӑн 14-мӗшӗччен 12:00 сехетчен ҫырма пулать. Анчах кун пек чухне сертификат памаҫҫӗ.
Виҫҫӗмӗш вариант – лапама килсе ҫырни. Унта чӳкӗн 30-мӗшӗнче 12:00 сехетре пымалла. Хальлӗхе Чӑваш Енре диктант ҫырмалли 32 лапама регистрациленӗ.