«Поэзи баттлĕ» иртнĕ

«Çамрăксен хаçачĕ» йĕркелекен «Поэзи баттлĕ» конкурс кăçал 6-мĕш хут иртнĕ
Хальхинче вăл «Хыпар» хаçат никĕслевçи Николай Никольский çуралнăранпа 148 çул çитнине халалланипе йĕркеленнĕ.
Хутшăнакансем республикăн тĕрлĕ кĕтесĕнчен çитнĕ. Вĕсен йышĕнче – шкул ачисем, тĕрлĕ тытăмра ĕçлекенсем, тивĕçлĕ канурисем. Садике çÿрекенсем те пулнă. Илемлĕ юрă-кĕвĕпе Шупашкарти Ф.Павлов ячĕллĕ музыка училищин студенчĕ Иван Иванов савăнтарнă.
Поэзие юратакансен пултарулӑхне «Хыпар» Издательство çурчĕн директорĕ-тĕп редакторĕ Дмитрий Моисеев, Раççей писательсен союзĕн членĕ Галина Серебрякова-Кĕмĕл, Чăваш халăх артисчĕ Ирина Архипова тата Шупашкар округĕнчи Чăрăшкасси шкулĕн вĕрентекенĕ Алина Николаева хакланă.
Çивĕч кĕрешÿре çĕнтерÿçĕ ятне Патăрьел тăрăхĕнче пурăнакан Наталия Ильметова тивĕçнĕ.