ШӖМӗн наркотик ҫаврӑнӑшне тӗрӗслекен Раҫҫей Тӗп управленийӗн ӗҫченӗсем тата Чӑваш Енри полицейскисем унччен судпа айӑпланнӑ икӗ ҫынна тытса чарнӑ. Вӗсем наркотике пысӑк виҫепе сутма тӑнӑ.
Вӗсен машинине Канаш хулинче чарнӑ. Тендпа витнӗ прицеп ҫинче вара наркотик пулнӑ: 170 килограмм ытла! Оперативниксем палӑртнӑ тӑрӑх, вӗсем Атӑлҫи тата Ҫӗпӗр федераци округӗсенче вӑрттӑн вырӑнсене наркотик хунӑ.
Ҫав ҫынсен тӗлӗшпе пуҫиле ӗҫ пуҫарнӑ. Арҫынсене тытса чарнӑ, следстви малалла пырать.
