Иртнӗ шӑматкун Мускавра регионсем хушшинчи «Русское поле» пултарулӑх фестивалӗ пулнӑ. Унта Чӑваш Енри делегаци те хутшӑннӑ.
Сцена ҫине халӑх ташшин «Суварята» ача-пӑча ансамблӗ тата чӑваш халӑх артистки Августа Уляндина тухнӑ. Халӑх наци йӑли-йӗркин конкурсне вара «Укӑлча» ансамбль хутшӑннӑ.
Мускава «Хитре» этнобренд та кайнӑ. Унӑн «Бабушкин сундук» коллекцийӗ халӑхӑн авалхи йӑли-йӗркине тӗпе хурса хатӗрленӗ тумтирӗпе паллаштарнӑ.
Чӑваш Ен делегацийӗ тӗп хуларан парнесемпе таврӑннӑ. «Укӑлча» ансамбль халӑх йӑли-йӗркисен конкурсӗнче ҫӗнтернӗ, «Хитре» этнобренд автор ҫи-пуҫӗн номинацийӗнче 1-мӗш вырӑн йышӑннӑ.
Чи пӗлтерешли – Раҫҫейӗн ҫӑкӑр картти. Унӑн тӑрршӗ 7,8 метр, сарлакӑшӗ 4,3 метр йышӑнать. Чӑваш Ен ҫак картта валли хура ҫӑкӑр хатӗрленӗ. Авалхи рецептпа пӗҫернӗ ыраш ҫӑкӑрӗ. Кӑпӑш ҫӑкӑр – кил ӑшшин, несӗлсен хӑвачӗн палли.
