Раççей ФСБ Чăваш Енри управленийĕн тата Раççей ШĔМĕн Шупашкарти управленийĕн ĕçченĕсем пĕрлехи оперативлă шырав мероприятийĕсем ирттерсе саккуна пăсса йĕркеленĕ çыхăну тĕввине пĕтернĕ.
Çакă палăрнă: сим-бокссене Шупашкарти тĕрлĕ районта арендăна илнĕ 4 хваттерте вырнаçтарнă. Техника тивĕçтерĕвне Архангельск облаçĕнчи 32-ри арçын дистанци мелĕпе пурнăçланă. Оперативлă мероприятисен вăхăтĕнче ăна тытса чарнă. Саккунсăр çаврăнăшран 4 телекоммуникаци хатĕрне кăларнă.
«Усал ĕç тунă арçын тĕлĕшпе преступлени сăлтавĕ пур тесе (Раççей Кодексĕн 2 пайĕн 274.3 статйи) уголовлă ĕç пуçарнă», – пĕлтернĕ Раççей ФСБ Чăваш Енри управленийĕн официаллă представителĕ Марина Афанасьева.
Уголовлă ĕçе малалла тĕпчеççĕ. Преступлени схемине йĕркелес ĕçе камсем хутшăннине пурне те палăртмашкăн мероприятисем ирттереççĕ.
