Çĕнĕ 3 шкул хута кайĕ

Кăçал республикăра парта хушшине 150 пин ытла ача ларĕ.
Çĕнĕ вĕренÿ çулĕ çывхарнă май Республика Пуçлăхĕ Олег Николаев шкулсем ачасене йышăнма мĕнле хатĕррине тимлĕхре тытать.
Ятарлă комиссисем республикăри 300-е яхăн шкула тĕрĕсленĕ. Регион ертÿçи палăртнă тăрăх, хăрушсăрлăх, шкул автобусĕпе çыхăннă ыйтусене уйрăмах тимлĕх уйăраççĕ.
Авăн уйăхĕн 1-мĕшĕнче республикăра çĕнĕ 3 шкул хута кайĕ.
10 пĕлÿ çурчĕпе 2 ача садĕнче юсав ĕçĕсем пыраççĕ. Унсăр пуçне 11 вĕренÿ учрежденине çĕнетме республика бюджетĕнчен укçа уйăрнă.