Юпан 15-21-мĕшĕсенче Шупашкарта «Юмахсен каруççелĕ» тата «Пĕрешкел пулма кирлех те мар» фестиваль-форумсем иртĕç.
Пĕтĕм тĕнчери фестивальсене Чăваш патшалăх пукане театрĕ йĕркелет. Унта кăçал та Владимир облаçĕнчи, Ульяновскри пукане театрĕсем тата ыттисем хутшăнĕç. Вологда облаçĕн «Теремок» пукане театрĕ вара чăваш сцени çине пĕрремĕш хут тухĕ. Узбек наци театрĕн тата Китай пуканеçисем те фес- тивале хăйсен пултарулăхĕпе илемлетĕç. Сцена ăстисем валли ăсталăх класĕсем те ĕçлĕç.
