Тунтикун Правительство çуртĕнче транспорт отраслĕн ĕçченĕсене тĕрлĕ шайри наградăсемпе чысланă.
Çак уява пирĕн çĕршывра 2020 çултанпа паллă тăваççĕ. Уяв хăйсен пурнăçне транспортпа çыхăнтарнă тĕрлĕ професси представителĕсене пĕрлештерет.
Транспорт отраслĕн ĕçченĕсене професси уявĕпе Чăваш Республикин Пуçлăхĕ Олег Николаев саламланă, транспорт тытăмĕ çĕнелсе пынине, ĕçре хальхи йышши технологисемпе анлăн усă курнине палăртнă. Унтан транспорт отраслĕн хастарĕсене наградăсем панă.
Вĕсен йышĕнче пирĕн районти индивидуаллă предприниматель Александр Сергеев та пулнă. Ăна Чăваш Республикин транспортăн тава тивĕçлĕ ĕçченĕ хисеплĕ ят панă. Ентешĕмĕре сумлă награда илнĕ ятпа чун-чĕререн саламлатпăр.
