Чулхула облаçĕнчи Бор хулинче бокс енĕпе Пĕтĕм Раççейри ăмăрту иртнĕ. Унта Канаш хулинчи Воронков ячĕллĕ спорт шкулĕнче хăйсен ăсталăхне туптакан боксерсем те çитсе килнĕ.
17-18 çулсенчи яшсен хушшинче тупăшса Егор Сергеев пĕрремĕш вырăн çĕнсе илнĕ. Ăна турнирăн чи лайăх боксерĕ сумлă ят тата ятарлă парне _ телевизор парса чысланă. Тепĕр Канаш каччи Тахир Кондратьев кÿршĕ регионтан иккĕмĕш вырăнпа таврăннă. Вăл ринг çине тватă хутчен тухнă, виçĕ тупăшăва çĕнтерÿпе вĕçленĕ. Раççей спорт мастерĕн кандидачĕ пулса тăнă.
