Чăваш Енри хăна çурчĕсем, хостелсем, халăха вырнаçтармалли ытти организаци 3 миллиард тенкĕ ытла укçа ĕçлесе илнĕ.
Çак цифрăна регионти экономика аталанăвĕн министрĕ Дмитрий Краснов Чăваш Енре глэмпингсем тăвассине халалланă пресс-конференцире асăнса хăварнă. Министр çак ÿсĕме пирĕн республикăна туристсем ытларах килнипе çыхăнтарнă. 2024 çулта гостиницăсемпе хостелсем тата санаторисем 475 пин ытла хăнана йышăннă.
