Шыв ҫинче асӑрхануллӑ пулмалла

Юпа уйӑхӗн 18-мӗшӗнче Куславкка округӗнчи пӗр ялта 57-ри арҫын путса вилнӗ.
Ку инкек ял ҫывӑхӗнчи плотинара пулнӑ. Арҫыннӑн виллине ҫӑлавҫӑсем шыраса тупса ҫыран хӗррине илсе тухнӑ. Халӗ вӑл мӗнле сӑлтава пула путса вилнине уҫӑмлатаҫҫӗ.
Палӑртмалла: ҫулталӑк пуҫланнӑранпа республикӑра шыв ҫинче 26 инкек пулнӑ, вӗсенче 23 ҫын вилнӗ, ҫав шутран иккӗшӗ – ачасем.
Кӗҫех шыв сийӗ пӗрремӗш пӑрпа витӗнӗ, ҫавӑнпа асӑрханулӑх ҫинчен самантлӑха та манмалла мар.