«Ылтăн» алăллă ăста

Сиккасси салинче пурăнакан Александр Сергеев – «ылтăн» алăллă ăста. Вăл Чăваш Респyбликинчи ремесленниксен гильдийĕн туслă йышĕнче тăрать.
Александр йывăçпа ытларах еçлеме кăмăллать. Вулă çумĕнче ÿсекен мăкăль-çăпанран тĕрлĕрен илемлĕ тата çирĕп савăт-сапа ăсталать. Унăн ĕçĕсене Шупашкарта иртнĕ Туризм форумĕнче те пысăк хак панă. Мускавра йĕркеленĕ Раççейри халăх пултарулăхĕн «Ладья» курав-ярмарккăран вара пирĕн ентеш Тав хучĕпе таврăннă.
Вăрăм кану кунĕсенче ал-ĕç ăсти çывăхри вăрманта тупнă пăши мăйракисене çирĕплетмелли илемлĕ композицисем касса кăларнă. Вĕсене вăл Яманкасси ялĕнче пурăнакан юлташне Çĕнĕ çул парни тунă.
Чăн та, тĕлĕнмелле ăста çынсем пурăнаççĕ пирĕн хушăра.