Шупашкар хулинчи 37-мӗш шкулти Ҫар мухтавӗн музейӗ Пӗтӗм Раҫҫейри конкурс- ра палӑрнӑ. Вӑл «Ҫарпа истори диорамисем: тӗплӗ истори» Пӗтӗм Раҫҫейри конкурсра иккӗмӗш вырӑн йышӑннӑ.
Финала ҫӗршыври 73 регинти 140 музей тухнӑ. Пирӗн республикӑри музей «Хулари чи лайӑх музей» номинацире иккӗмӗш пулнӑ. Ҫапла майпа вӑл 300 пин тенкӗлӗх гранта тивӗҫнӗ.
37-мӗш шкулӑн музейӗ ытти конкурсра та пӗрре мар грантсем ҫӗнсе илнӗ пулнӑ: 2025 ҫулта – 300 пин тенкӗ, 2024 ҫулта – 300 пин тенкӗ, 2023 ҫулта – 200 пин тенкӗ, 2021 ҫулта – 75 пин тенкӗ. Хальхи грант укҫипе музей экспозицие ҫӗнетӗ, оборудовани туянӗ.
