Шупашкарта Патшалăх влаçĕн тата вырăнти хăй тытăмлăх органĕсен 20-мĕш спартакиади иртнĕ.
Сĕтел çи теннис вăййипе йĕркеленĕ ăмăртăва пĕтĕмпе 51 команда хутшăннă. Чăваш Енри федераци органĕсен хушшинче УФСИН команди çĕнтернĕ, Федераци казначействин управленийĕ 2-мĕш вырăн йышăннă, Шалти ĕçсен министерстви 3-мĕш пулнă. Патшалăх влаçĕн республика органĕсен командисенчен Финанс министерствин хастарĕсем палăрнă. Ял хуçалăх министерстви 2-мĕш вырăна тухнă. Чăваш Республикин Патшалăх Канашĕ — 3-мĕш вырăнта. Муниципалитетсен хушшинче Шупашкар команди çĕнтернĕ, пирĕн район ушкăнĕн — «кĕмĕл», вăрнарсен — «бронза».
Спартакиада финалĕ ыран Йĕпреç поселокĕнче иртĕ. Унта шывра ишессипе, дартс тата волейбол вăййисенче тупăшĕç.
