Шăхасан салинче çуралса ÿснĕ пĕтĕм тĕнче шайĕнчи Раççей спорт мастерĕ Вероника Чумикова çак кунсенче Румынинче иртнĕ халăхсем хушшинчи ирĕклĕ майпа кĕрешессин турнирне хутшăннă.
Спортра çирĕп утăмсем тăвакан ентеш 57 килограмм таран виçере кĕрешсе «бронза» медале тивĕçнĕ. Унпа пĕрле пьедесталăн виççĕмĕш картлашки çине Эквадор спортсменки хăпарнă.
Пултаруллă хĕре саламлатпăр, унпа мухтанатпăр!
