Саккуна хирӗҫ ӗҫе явӑҫтараҫҫӗ

Ачасем интернет урлӑ кампа хутшӑннине, мӗн пирки калаҫнине тимлесех тӑмалла.
Йӗрке хуралҫисем палӑртнӑ тӑрӑх, пӗлтӗр ҫул ҫитменнисене социаллӑ тытӑмра саккуна хирӗҫ тӗрлӗ ӗҫе явӑҫтарнӑ тӗслӗхсем йышланнӑ.
Ывӑл-хӗрне хӳтӗлесси – аслисен тивӗҫӗ! Социаллӑ тытӑмра «ҫӑмӑл укҫа» ӗҫлесе илме, тӗрлӗ каҫӑпа куҫма сӗнекенсем йышлӑ. Ултавҫӑсен серепине ытларах ачасем лекеҫҫӗ.
Интернетри калаҫура илӗртсе, хӑратса пӗр-пӗр ӗҫ тума хистекенсем пирки вӗсем тӳрех ашшӗ-амӑшне пӗлтерччӗр, хӑйсем шанчӑклӑ хӳтлӗхре пулнине туйччӑр!