Ачасене бензин сутма чарнӑ

Чӑваш Республикин Патшалӑх Канашӗ автомобиль бензинне тата дизель топливине 18 ҫултан кӗҫӗнрех ачасене сутма чаракан саккун проектне пӗр саслӑн ырланӑ. Документа республика прокурорӗ Эдуард Гиматов тӑратнӑ.
Ҫакна ачасем ҫул ҫинче суранланасси чактӑр тесе тунӑ. Юлашки вӑхӑтра питбайкпа тата мототранспортпа чупакан нумай. Кӑҫал 10 уйӑхра рес- публикӑра 16 ҫул тултарман ачасем мототранспортпа аварие лекнӗ 18 тӗслӗх пулнӑ.
Саккун сутуҫӑсене бензин туянаканӑн ӳсӗмне тӗрӗслеме ирӗк парать.