Юр ҫӑвӗ, сивӗтӗ

«Ҫанталӑк 21» портал пӗлтернӗ тӑрӑх, юр ҫуса лартассине кӗтмелли нумаях юлман.
Эрне вӗҫнелле, раштав уйӑхӗн 5-8-мӗшӗсенче, йӗпе юр ҫума пуҫлӗ. Ҫапла ҫӗр шуралӗ. Вӑл ирӗлсе каймӗ, сывлӑш температури 0 градусран аяларах пулӗ.
Ҫитес эрнере вара юмахри пек хитре пулӗ: уяр та сивӗ ҫанталӑк тӑрӗ, ура айӗнче юр кӑчӑртатӗ.
Малтанлӑха палӑртнӑ тӑрӑх, раштавӑн иккӗмӗш декадинче тата нумайрах юр ҫӑвӗ, вӑйлӑрах сивӗтӗ.