Пысӑк пулӑ туртса кӑларнӑ

Ҫӗнӗ Шупашкарта пурӑнакан пулӑҫ Атӑлтан питӗ пысӑк пулӑ туртса кӑларнӑ. Пӗр центнера яхӑн таякан ҫуйӑна Дмитрий Блинов парӑнтарнӑ.
Вӑл тусӗпе ҫӗртме уйӑхӗн 20-мӗшӗнче, ирхине, пулла кайнӑ. Анчах тӗлӗнмелле пысӑк пулӑ ҫаклатасси пирки шухӑшлама та пултарайман. Пысӑк пулла туртса кӑларас тесе вӑл унпа 2 сехет кӗрешнӗ. Ҫуйӑн 2 метр та 45 сантиметр тӑршшӗ пулнӑ, 99,5 килограмм тайнӑ.
Дмитрий Блинов пӗлтӗр те пысӑк ҫуйӑн тытнӑ пулнӑ, анчах вӑл кӑҫалхинчен самай пӗчӗк пулнӑ – 35 килограмм тайнӑ.