Канашри муниципаллă округ администрацийĕнче ятарлă çар операцине хутшăнса çĕршыв интересĕсене хÿтĕленĕ паттăрсен патшалăх наградисене вĕсен çывăх çыннисемпе тăванĕсене панă.
Мужество орденĕсене çапăçу хирĕн- че паттăрлăх кăтартнăшăн Александр Федоров кĕçĕн сержант, Сергей Кузьмин, Александр Малиночкин тата Александр Владимиров рядовойсем илме тивĕç пулнă. Çар наградисене салтаксен мăшăрĕсем тата амăшĕсем тухса илнĕ.
Пирĕн ентешсен паттăрлăхĕ ĕмĕр-ĕмĕр асра юлĕ, вĕсене эпир манмăпăр, çитĕнекен ăрăва тĕслĕх вырăнне илсе кăтартăпăр.
