Чӑваш Енре вӑрман касакансен конкурсӗ иртӗ. Республикӑн Ҫутҫанталӑк ресурсӗсен тата экологи министерстви унта хутшӑнма вӑрман хуҫалӑхӗн тата вӑрман промышленноҫ комплексӗн ӗҫченӗсене йыхравлать.
Заявкӑсене ҫурла уйӑхӗн 12-мӗшӗччен йышӑнаҫҫӗ. Конкурса хутшӑнас тесен ку енӗпе икӗ ҫултан кая мар ӗҫлемелле. Вӑрман касаканӑн свидетельстви, ятарлӑ тум тата бензопӑчкӑ пулмалла. Конкурс вӑхӑтӗнче ӑстасен йывӑҫ касса ҫеҫ мар, сӑнчӑр улӑштарса, пӗренене икӗ тӗрлӗ касса тата турат иртсе ӑмӑртма тивӗ.
