Суйлав вăхăтĕнче çынсем килтен тухмасăрах сасăлама пултарĕç, çакăн çинчен Чăваш Енĕн Изберкомĕ пĕлтерет.
Çак тĕллевпе вĕсен çурла уйăхĕн 3-мĕшĕнчен пуçласа 14-мĕшĕччен дистанци мелĕпе сасăлас тĕлĕшпе «Госуслуги» порталта заявлени хăвармалла. Кун пек чухне, паллах, порталти сведенисем тĕрĕс пулнине шута илмелле. Унсăрăн заявление йышăнмасан та пултараççĕ. Аса илтеретпĕр, суйлав кăçал авăн уйăхĕн 18-мĕшĕнчен пуçласа 20-мĕшĕччен иртет.