Ватӑсен кунӗ умӗн, сентябрӗн 30-мӗшӗнче, Канашри муниципалитет округӗн администрацийӗн конференци залӗнче агропромышленность комплексӗн ветеранӗсен канашӗн ларӑвӗ иртнӗ. Унӑн ӗҫне Канаш округӗн администрацийӗн пуҫлӑхӗн ҫумӗ Николай Иванович Белов хутшӑннӑ.
Ларӑва Канашри муниципалитет округӗн АПК ветеранӗсен канашӗн председателӗ Валерий Долгов уҫнӑ.
Николай Иванович АПК ветеранӗсене ҫыв- харса килекен ватӑсен кунӗпе саламланӑ. Вӑл вӗсене ҫирӗп сывлӑх, канлӗх, тулли телей суннӑ. Унтан сентябрӗн 18-20-мӗшӗсенче иртнӗ суйлав пӗтӗмлетӗвӗсемпе паллаштарнӑ. Ветерансем унта яланхи пекех хастар хутшӑннӑ.
Канашлура округри тыр-пула пухса кӗртмелли ӗҫсен малтанхи пӗтӗмлетӗвӗсене те уҫӑмлатнӑ. Кӑҫал тырӑ тата пӑрҫа йышши культурӑсен лаптӑкӗсем 19367 га йышӑнаҫҫӗ. Тухӑҫа 18781 гектар ҫинче пухса кӗртнӗ. Тырпул пухса кӗртессипе пӗрлех хуҫалӑхсенче выльӑх апачӗ те хатӗрлеҫҫӗ.
АПК ветеранӗсем канашлура кӑҫалхи 4-мӗш квартал валли канашӑн мероприяти планне те ҫирӗплетнӗ.
Валерий ДОЛГОВ,
округри АПК ветеранӗсен
канашӗн председателӗ
