Ҫӑмӑл укҫа шыракансем ачасемпе ҫамрӑксене те улталаҫҫӗ. Чӑваш Енри йӗрке хуралҫисем пӗлтернӗ тӑрӑх, шкул ачисемпе студентсем ултавҫӑсене куҫарса панӑ укҫа 25 миллион тенке ҫитнӗ.
Меслечӗсем тӗрлӗрен: банк ятӗнчен шӑнкӑравлаҫҫӗ, укҫа выляса илнине пӗлтереҫҫӗ, онлайн-вӑйӑ вӑхӑтӗнче тӗрлӗ каҫӑпа куҫма сӗнеҫҫӗ.
Ҫавӑнпа та ачасене тепӗр хут смс-хыпарти кодсене никама та пӗлтерме юраманнине, ют ҫынна ӗненмелле маррине ҫирӗппӗн асӑрхаттармалла.
Телефон линийӗн тепӗр вӗҫӗнче укҫа пирки сӑмах хускатсан тӳрех ҫыхӑнӑва татмалла, аслисене систермелле.
