Ака уйӑхӗн 26-мӗшӗнче Шупашкарта ку сезонра туристсен теплохочӗ пӗрремӗш хут чарӑннӑ. Вӑл – «Алдан».
Теплоход Чулхуларан тухнӑ. Ирхи 8 сехетре вӑл Шупашкарта чарӑннӑ. Унта вӑл 4 сехет тӑнӑ та каялла кайнӑ, ҫула май Козьмодемьянск хулинче 2 сехетлӗхе чарӑннӑ. Чулхулана теплоход вырсарникун ирхи 10 сехетре таврӑннӑ. Тепрехинче «Алдан» Костромаран тухса Шупашкарта ҫу уйӑхӗн 1-мӗшӗнче чарӑнӗ.
