Шупашкарта 10-мĕш хутчен ача садне çÿрекенсемпе çамрăк армеецсен парачĕ иртнĕ.
Моряксем, çăлавçăсем, сывлăш десант çарĕ… Хĕрлĕ Лапам тăрăх 2 пин ытла ача утса тухнă.
Яваплă мероприятие çĕршывăн пулас хÿтĕлевçисем 2 уйăх хатĕрленнĕ. Çак куна кашниех савăнса та хумханса кĕтнĕ.
Тăрăшни куçкĕрет. Чăн салтакла çирĕппĕн те маттуррăн, ретĕн-ретĕн илемлĕн утнă хастарсем. Уява килнисем çитĕнекен ăрупа мăнаçланнине палăртнă.
