Хĕле кĕтĕмĕр. Çак тапхăрта вĕçен кайăксене апат тупса çиме уйрăмах йывăр.
Вырăскас Пикших ялĕнче хĕл каçма юлнă çунатлă туссене çак ыйту питех пăшăрхантармасть те пулĕ. Вĕсем кунĕпех шкул картишĕнче хĕвĕшеççĕ.
Экологи волонтерĕсен членĕсем таврари йывăçсем çине сырăшсем çакнă, вĕсене тĕрлĕ апатпа пуянлатсах тăраççĕ. Менюре хурапа шурă çăкăр, тĕрлĕрен тырă пĕрчисем, хĕвел çаврăнăшĕ, салă тата ытти те. Ачасем апата килĕсенчен илсе килеççĕ, кайăксем сырăш тавра пуçтарăнса апатланнине вара уйрăмах сăнама юратаççĕ.
