Ĕнер, раштав уйăхĕн 14-мĕшĕнче, Раççей Президенчĕ Владимир Путин тÿрĕ эфирта çулталăка пĕтĕмлетнĕ. Пресс-конференцие тĕрлĕ регионти журналистсем тата ют çĕршыври массăллă информаци хатĕрĕсем хутшăннă. Раççейре пурăнакансем тÿрĕ линие икĕ миллион ытла ыйту ярса панă. Вĕсене çĕршыв пуласлăхĕ тата унти улшăнусем ытларах кăсăклантарни палăрнă.
Пысăк пресс-конференци тăватă сехет ытла тăсăлнă. Владимир Путин Президент студире 80 ытла ыйту çине хуравланă. Тÿрĕ линие килнĕ пĕр ыйтăва та тимлĕхсĕр хăвармĕç, кашнинпе тивĕçлĕ хурав пулĕ.
