Шупашкарӑн хула кунӗнче дизайнерсен конкурсӗ иртнӗ.
Пӗтӗм тӗнчери дизайнер ӑсталӑхӗн тата наци тумӗн I–мӗш пӗтӗм тӗнчери конкурсне «Этно диалог – 2026» ят панӑ. Ӑна Раҫҫейри халӑхсен ассамблейин Чӑваш Енри уйрӑмӗ йӗркеленӗ.
Конкурса хутшӑнакансем хулари «Пехет» агромаркетра пухӑннӑ. Дизайнер ӑсталӑхӗн тата наци тумӗн конкурсне Раҫҫейри халӑхсен пӗрлӗхӗн ҫулталӑкне тата Чӑваш Енри халӑх туслӑхӗн ҫулталӑкне халалланӑ. Дизайнерсем халӑхӑн пуян эткерлӗхне паянхи кун ыйтнине кура кӑтартса пама тӑрӑшнӑ.
Чӑваш эрешӗллӗ тум ҫӗлекенсем те ку конкурса тивӗҫлипе хутшӑннӑ. Пултарулӑх мероприятине юрӑ-ташӑ ӑстисем те илем кӳнӗ.
Хамёр инф?
