Юсав хыҫҫӑн Шупашкарта 3-мӗш тата 55-мӗш шкулсем уҫӑлнӑ.
«Новая школа» тата «Народный контроль» парти проекчӗсен витӗмӗпе вӗренӳ учрежденийӗсен пӳлӗмӗсем палламалла мар улшӑнса ҫӗнелнӗ.
55-мӗшне 1989-мӗш ҫулта хута янӑ. Унтанпа тӗпрен юсаман. Ҫӗнӗрен алӑкӗсене уҫнӑ шкулта паян 1513 ача вӗренет. Ҫӗнӗ сӗтел-пукан, парнелӗх 14 пин кӗнеке, видеосӑнав, хӑрушсӑрлӑх тытӑмӗ… Пӗтӗмпех ҫитӗнекен ӑру хӑтлӑхӗшӗн.
Хальхи вӑхӑтра 755 ачана ӑс паракан 3-мӗш шкул та ҫӗнӗ вӑйпа ӗҫлеме пуҫланӑ. Ачасене аталанма кунта та майсем ҫителӗклӗ.
Республикӑра кӑҫалхи юсав программине пурӗ 38 шкул кӗнӗ.
